大良八記"又"返來啦

2014-10-31 (FRI)

我又返來啦！！~

用"又"係因為我成日想寫返網誌，反反覆覆…
由YAHOO BLOG最穩定同投入咁寫BLOG，
到YAHOO改版面後就少寫左
到YAHOO BLOG 摺埋…
到我靜左好耐…再重新想寫BLOG
到我找終於在GOOLE開了新BLOG...但只寫左一篇"喬遷"…就消失左…

到今日，我又返來啦！

唔知道今次可以保持幾耐…(我連"堅持"2個字都唔敢講…哈！)

不過點都好，我今日返來啦！


之前一路好想將以往的日記POST返過來，又係完美主義囉…想整全D嘛…

但發現…但係好難行動…而且…真係好多…

我成日想寫返以前屋企的事、不在家的事、病的事、結婚的事、…很多事…


今日，算啦！由今日開始寫起！

如果第日真係可以，我始終都希望可以POST返呢度。


一直好想搵個更好，更易寫BLOG的介面才落地，但發現…要搵亦無時間…自己電腦亦唔叻…算啦，有得用就算，肯寫就算。我始終都想俾自已一個地方寫下回憶。始終又唔至於寫日記簿…始終又係想在網上寫下…雖然網上寫，同自己打在WORD可能都一樣…

點都好，開始啦！唔好拖啦~~大良八記！


無都寫下啦！大良八記返來啦！

2012-05-02

終於等到拍婚照的日子啦！

一早吃個GOOD MORNING熱香餅早餐先！

8:30到達化妝師SUKI的舖頭，開始化妝。白雪雪的傢俬，好靚呀！

昨晚佢先問我件西裝點先唔會污糟，我就叫佢用垃圾袋笠住(今朝見到佢真係用左垃圾袋，:)

化妝師話想放頭髮下來，話唔好唗左我咁長頭髮喎

老友今日來陪我地，佢有備而來，化妝期間已經開始睇書啦

這邊廂男仔已換好衫啦~

到你啦

MY LOOK TODAY

其實我本身諗住前面放落來，SUKI都咁諗，但最後因為長度唔長唔短，放落來又有點嬲優，就變左呢個髮型了。

準備收搭行裝啦

全程無咩影相，呢張梗係喺我轉圈FING裙時有人太悶拍既！~原來咁高影落去都幾靚架喎！

晚上，佢終於換上白色西裝啦

我呢，都係同一條裙，但加左披肩，同換一換髮型！
少少改變，成個LOOK唔同哂！有少少VINTAGE LOOK！自己好鐘意呢個LOOK

拍完照已9時了，不忘同化妝師SUKI合照，謝謝妳今天的幫忙！幫我化妝、SET頭，抺汗、執髮型…諗埋件披肩點著先最襯。最後我把披肩扣在後面而不是前面，其實都是SUKI的主意！相信效果會好好看！

跟足我地一日既老友，點可以唔同你影返張合照呢！多謝哂你幫忙監場，仲要幫手做苦力。

最勞苦功高既攝影大師MUSE~~謝謝你！今天雖然很辛苦，MUSE比我們更辛苦。還記得影高樓大廈時他把身體幾乎貼著地，還要摺起咁滯，真是辛苦哂！還有全天的拍攝又要出力又要用腦去幫我們構思！真的辛苦哂！雖然我一張也沒看過，但很有信心他給我們照的相會很美！

全TEAM合照！ 還有最辛苦要幫手打燈的，又成日俾MUSE叫錯我個名的APPLE

回程啦~

吃返個DINNER，終於返回現實啦~

食埋甜品

就咁，今日我地港、九、新界，1日遊！

好辛苦的一天：天氣熱爆，汗珠狂流，連SUKI也說估不到我咁多汗…如果知就幫我化個防水妝，而我自己也估不到會流咁多汗；拍照姿熱也很攞我命！還記得MUSE對我講得最多是：扭！

雖然辛苦，但也是超開心的一天！

期待快快收到相片！

Hi

Hi HI

搬家．喬遷

2013-09-07 (星期六)

今天是搬家日子，前兩天得知一直沿用的Yahoo Blog將要結束了…很不捨得…

因為，Yahoo Blog陪我走的日子，說長又不算很長，說短也不是很短…但，Yahoo Blog陪著我進入及走過幾個人生階段。

剛剛使用Yahoo Blog時，我才剛剛工作不久，
那時有朋友結婚，就用了她的婚禮寫了第一篇TESTING的BLOG，
後來，開始寫自己的家庭事，
又有自己最大的興趣—貓狗BLOG，
又有孖生妹妹的結婚大日子前後的BLOG，
又有自己生病期間超過300多天的病假日子記錄，
然後，是自己的囍訊日誌…
Yahoo Blog真的陪我走了很美好又精彩的日子。所以，我要謝謝Yahoo Blog。

剛剛使用Yahoo Blog時，我的社交圈子就在那裡享受了很久，
       和一班BLOG友好像追小說一樣互相留意對方每天新出爐的日記，
       急著回應，急著要看有沒有人回應，又是誰回應…
       急著研究哪個表情符合適當時心情…
       急著研究怎樣插入圖片…插入影片…
       急著研究怎樣…
       急著看誰到訪過…
       急著看看當天瀏覽數字…

這，都算是集體回憶吧！

剛剛使用Yahoo Blog時，認為Yahoo Blog是很user friendly的。我是一個只懂用電話check e-mail的，卻也懂得運作Yahoo Blog，我就覺得她很好操作；

所以，直至她轉版後，其實我不再覺得她user friendly，甚至可說是很不好用…插入相片不方便了…消失了直接插入影片的功能…又要先上載到youtube才可轉載到yahoo blog…版面也很難改動…無掟埋手…blog友們紛紛不再使用她…我仍然留下來…雖然自己也寫得疏了很多，但一段日子後，仍然在補回已過的日記…沒想過要離開…後來發現用chrome比ie方便，就繼續努力在這裡重新寫blog…

可惜，2013年9月2日，Yahoo Blog發出通知

重要公告：Yahoo! Blog將於2013年10月30日進入唯讀模式，2013年12月26日關閉服務

經過評估全球資源及整體發展方向後，我們決定在2013年12月26日正式終止 Yahoo! Blog。為保障用戶權益 ，自2013年9月2日起，Yahoo! Blog將開放用戶的資料備份申請、下載、「輕鬆搬家」、通知我們新網址服務。

亦有謹餘的blog友提醒要搬家，我才彷然大悟…原來不用再在那裡補回日記了…因為Yahoo Blog也要結束了…

有點傷感…有點不捨…

所以，今天是星期六，就趁今天，陽光普照的假期，就搬吧！

希望google blog可以讓我定下來吧！

我將會逐步把舊blog搬到這裡來。

祝自己—搬家順利，

雖然還有點不捨，但還是要提起精神！祝自己：

祝自己—喬遷之囍！

testing

testing